فرحان وبتصفق

مارمينا النبع الذى يفيض معجزات

فرحان وبتصفق

marmina

فى يوم البابا كيرلس للسائق : يلا يا عزمى يا ابنى انا رايح دير مارمينا . رد عزمى وقال : مش هتاخد حد معاك يا سيدنا . رد سيدنا وقال : لا يا ابنى ربنا معانا . ركب البابا وركب عزمى السائق ووصلوا عند برج العرب وقبل الدير بـ 10 كيلو السيارة وقفت وعطلت , نزل عزمى وفتح كبوت العربية ودخل دماغة وقال : يا سيدنا الوبور بتاع العربية عطل . فقال له البابا : انا عارف امال العربية وقفت ليه . ايه اللى عطل فيه بالظبط ؟ رد عزمى هاشوف يا سيدنا , وبص شوية وقال : الكربيراتير بتاع العربية اتخرم ياسيدنا . فرد البابا : طيب ما تقفلوا يا ابنى . فرد عزمى وقال علشان نمشى نعمل حاجة من الاتنين نبعت الكربيراتير اسكندرية نلحمه ونستنى يجيبوه , الحل التانى نكلم مصر يبعتولنا واحد جديد نركبه . فقال البابا : وعقبال ما يجيبوه يكون بكره الصبح طلع وابات انا فى الشارع بقى .. هاه انا جايلك تعمل كده فيا برضوا… فرد عزمى بتقول ايه يا سيدنا ؟ رد البابا : مش عليك انت يا عزمى يا ابنى . فرد عزمى : هو فيه غير انا وانت ياسيدنا . فقاله البابا : اسكت انت يا عزمى يا ابنى . وطلع البابا من جيبه حتة قطنة وبرمها وعملها راس زى فتيلت القنديل وطلع زجاجة الزيت وعاص القطنة وقال : خد يا عزمى يا ابنى حط القطنة مكان الخرم ودق عليها الزقها والعربية هتدور . فرد عزمى ياسيدنا لما تكون حاجة مزرجنة فى العربية نحط لها زيت علشان تفك ولكن الزيت مش هيلزق . رد البابا : اعمل زى ماقلت لك . قال : حاضر ياسيدنا ، وسمع الكلام واخذ القطنة وحطهافى الخرم ودق عليها ببساطة . وقال البابا : اقفل الكبوت يا عزمى يا ابنى و دور العربية واطلع . فطلع عزمى بالعربية . و سمع البابا بيقول : حط صباعك… فرد عزمى : نعم ياسيدنا . قال له البابا : مش عليك يا عزمى يا ابنى . وسمع عزمى سيدنا بيقول : خليك قافل الخرم … فرد عزمى : اقفله ازاى يا سيدنا ؟ رد البابا و قال : مش عليك يا عزمى يا ابنى . وبعد 5 دقائق وصلوا الدير ، وعلى باب الدير العربية بطلت ووقفت . وسمع عزمى البابا كيرلس بيقول : فرحان يا اخويا وبتصفق اديك شلت ايدك القطنة وقعت … رد عزمى : انا ياسيدنا شلت ايدى .

Share

Permanent link to this article: http://stmina.info/%d9%81%d8%b1%d8%ad%d8%a7%d9%86-%d9%88%d8%a8%d8%aa%d8%b5%d9%81%d9%82/