«

»

Print this مقالة

المرجيحة

البابا كيرلس السادس

 

من عمالقة الروحانية , ورائد من رواد صانعى المعجزات مثل شفيعه الشهيد مارمينا , و الحديث عنه يبعث فى النفس الشعور بعظمة عمل إلهنا القدوس فى الكنيسة .  صلواته تسندنا ليكون لنا نصيبا معه فى المجد .

 

+++++++

كان بابا عاملنا مرجيحه فى باب الاوضه بتاعتنا بكرسى بلاستيك ، و متعلق بحبال ، فكانت اختى بتتمرجح وواقفه عليها فاتقلبت من فوق الكرسى ، و نزلت زرع بصل على نفوخها ، ففضلت تصوت و ماما جريت ودتها للدكتور فبص على راسها لقى مكان الخبطه بارز اوى ، و لقى اختى بتخرف و متوهه و هى وقتها كان عندها حوالى 9 سنين فقال الدكتور ده تجمع دم و ممكن يكون جالها ارتجاج فى المخ فروحى اعملى اشعه و تعاليلى لان الموضوع خطير .

فراحت ماما دهنتلها راسها بزيت البابا كيرلس اللى بيتوزع فى عيده فى الطاحونه و اختى يوميها كانت متوهه و بتخرف و سخنه و مكان الخبطف مورم فى راسها و تانى يوم راحت عملتلها الاشعه الفوريه و يوميها لقيناها اتحسنت شويه و بطلت تخرف و فاقت شويه .

تانى يوم ماما ودتها للدكتور و معاها الاشعه فضل يبص للاشعه

و يقول اشعه مين دى؟

و ماما تقوله بتاعت البنت.

فقالها يستحيل ازاى.

قالتله بتاعتها بامانه .

فقلها امال الورم راح فين ده حتى لوبسيط ميروحش فى يوم و ليله .

فقالها انتى عملتى ايه ؟

قالتله دهنتلها راسها بزيت البابا كيرلس .

فقالها خلاص يبقى هوا عمل اللازم …

و ليتمجد الرب الذى يعمل فى قديسيه

Share

Permanent link to this article: http://stmina.info/%d8%a7%d9%84%d8%a8%d8%a7%d8%a8%d8%a7-%d9%83%d9%8a%d8%b1%d9%84%d8%b3-%d8%a7%d9%84%d8%b3%d8%a7%d8%af%d8%b3-%d9%85%d9%86-%d8%b9%d9%85%d8%a7%d9%84%d9%82%d8%a9-%d8%a7%d9%84%d8%b1%d9%88%d8%ad%d8%a7%d9%86-2/